Kəlbəcərdə ilk dəfə əmək yarmarkası keçiriləcək

Kəlbəcər rayonunda ilk dəfə olaraq genişmiqyaslı əmək yarmarkası təşkil ediləcək.

hadiseler.info xəbər verir ki, Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən reallaşdırılacaq aktiv məşğulluq tədbiri sentyabrın 8-i saat 11:30-da Kəlbəcər rayonunun Mərkəzi meydanında baş tutacaq.

Tədbirdə dövlət və özəl sektoru təmsil edən 16 müəssisə tərəfindən 90-dan çox vakansiya təqdim olunacaq. İşəqəbul üzrə əsas peşə istiqamətləri bunlardır:

 Mühəndis-energetik və böyük mühəndis

 Xidmət rəisi

 Növbətçi elektrik montyoru

 Qaynaqçı və çilingər

 Yanacaq maşını sürücüsü

 Aşpaz, qənnadıçı və satıcı

Yarmarkada iştirak edən şəxslərə həmçinin Agentliyin icra etdiyi digər aktiv məşğulluq proqramları və layihələri barədə də məlumat veriləcək. Tədbirə qatılacaq namizədlərin yanlarında şəxsiyyət vəsiqələrini gətirmələri mütləqdir.