Köçəryan həbs edildi

Ermənistanın keçmiş prezidenti Robert Köçəryan barəsində 2 ay müddətinə həbs qətimkan tədbiri seçilib.

hadiseler.info xəbər verir ki, bu barədə Ermənistanın Korrupsiyaya Qarşı Mübarizə Komitəsi məlumat yayıb. Müvafiq qərar hakim Sarkis Dadoyan tərəfindən qəbul edilib.

Robert Köçəryan dövlət başçısı olduğu dövrdə vəzifə səlahiyyətlərindən istifadə edərək digər şəxslərlə əlbir olmaqla ictimai və iqtisadi əhəmiyyətli obyektləri bazar qiymətindən aşağı qiymətə əldə etməkdə ittiham olunur.

Saxlanıldığı gün səhhətində yaranan problemlər səbəbindən xəstəxanaya yerləşdirilən eks-prezident məhkəmədən sonra yenidən tibb müəssisəsinə qaytarılıb. Siyasətçinin oğlu Levon Köçəryan həkimlərin atasının məhkəmə zalında deyil, xəstəxanada müalicəsini davam etdirməsini məqsədəuyğun hesab etdiklərini bildirib.

Xatırladaq ki, avqustun 25-də keçmiş dövlət başçısının böyük oğlu Sedrak Köçəryan barəsində də həbs qətimkan tədbiri seçilmişdi.