Neft UCUZLAŞDI

Dünya bazarlarında “Azeri Light” (CIF) markalı Azərbaycan neftinin bir barelinin qiyməti 0,42 ABŞ dolları və ya 0,46% azalaraq 91,51 ABŞ dolları təşkil edib.

hadiseler.info xəbər verir ki, ötən gün Azərbaycan nefti 91,93 ABŞ dollarına ticarət olunub.

Məlumat üçün bildirək ki, “Azeri Light”ın ən aşağı qiyməti 2020-ci il aprelin 21-də 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları səviyyəsində qeydə alınıb. Azərbaycanın builki dövlət büdcəsində 1 barel neftin orta qiyməti 65 ABŞ dollarından nəzərdə tutulub.