Konqoda Ebola virusuna yoluxanların sayı 5 mini keçib

hadiseler.info xəbər verir ki, Konqo Demokratik Respublikasında Ebola xəstəliyinə təsdiqlənmiş yoluxma hallarının sayı 5 min nəfəri ötüb.

Səhiyyə rəsmiləri görülən önləyici tədbirlərə baxmayaraq ölümcül xəstəliyin yayılmasının qarşısını almağın çətinləşdiyini bildirirlər. Ölkədə tüğyan edən 17-ci epidemiya xəstələnmə göstəricilərinə görə Konqo tarixində ən genişmiqyaslı epidemiya hesab olunur. Məlumatlara görə, xəstəlikdən həyatını itirənlərin sayı artıq 2378 nəfərə çatıb.

Mütəxəssislər hazırkı epidemiyanın Ebola virusunun “Bundibugyo” növündən qaynaqlandığını qeyd edirlər. Bu növə qarşı hələlik təsdiqlənmiş peyvənd və ya xüsusi müalicə üsulu mövcud deyil. Səhiyyə infrastrukturunun zəifliyi və regiondakı qeyri-stabilitik xəstəliklə mübarizəni daha da mürəkkəbləşdirir.