Məzlum Əbdi prezidentin müşaviri təyin edildi  

Suriyada kürd silahlı birləşmələrinin rəhbəri yüksək dövlət vəzifəsinə gətirilib.  

hadiseler.info xəbər verir ki, Suriyanın keçid prezidenti Əhməd əl-Şara kürdlərin rəhbərlik etdiyi Suriya Demokratik Qüvvələrinin (SDF) lideri Məzlum Əbdini (Mustafa Xəlil Əbdi) özünə müşavir təyin edib.  

Suriyanın rəsmi SANA agentliyinin məlumatına görə, keçid prezidenti Əhməd əl-Şara bununla bağlı avqustun 27-də müvafiq 164 saylı fərman imzalayıb.  

Qeyd edək ki, son dövrlərdə rəsmi Dəməşq ilə kürd tərəfi arasında əldə olunan razılaşmalar çərçivəsində SDF-nin Suriya dövlət qurumlarına və strukturlarına inteqrasiyası prosesi sürətlənib. Məzlum Əbdinin prezident müşaviri postuna gətirilməsi də məhz bu inteqrasiya addımlarının tərkib hissəsi kimi qiymətləndirilir.