Marneuli merinin qardaşı 7 ay azadlıqdan məhrum edildi

hadiseler.info Aktual.ge portalına istinadən xəbər verir ki, Marneuli meri Daur İsmayılovun qardaşı Kənan İsmayılovun məhkəmə prosesi həbs cəzası ilə başa çatıb. Bolnisi Rayon Məhkəməsində keçirilən iclasda hakim prokurorluğun vəsatətini təmin edərək Kənan İsmayılov barəsində 7 aylıq həbs cəzası təyin edib.

Məhkəmənin qərarına əsasən, həbs müddəti onun saxlanıldığı gündən hesablanacaq. Əlavə olaraq, Hadisədə iştirak edən daha 3 nəfər barəsində 2 il şərti cəza hökmü verilib.

Məlumata görə, Hadisəyə distributordan birinin çörəyin qiymətini artırmaması səbəb olub. Marneuli merinin qardaşı və onun ətrafındakı şəxslər həmin şəxsi fiziki zorakılığa məruz qoyublar.