Mikroavtobus yük maşınına çırpıldı – Ölən və çoxlu sayda yaralananlar var 

Türkiyənin Ankara şəhərində mikroavtobus ilə yük maşını toqquşması nəticəsində ağır yol-nəqliyyat hadisəsi baş verib. İlkin məlumatlara görə, 1 nəfər həyatını itirib, 16 nəfər isə müxtəlif dərəcəli xəsarətlər alıb.

hadiseler.info xarici Haber Global-a istinadən xəbər verir ki, qəza Ankara-Eskişehir E-90 magistral yolunun Temelli ərazisində qeydə alınıb.

Məlumata görə, 06 HO 1036 dövlət nömrə nişanlı mikroavtobus ilə 06 FMV 326 dövlət nömrə nişanlı yük maşını toqquşub. Çırpmanın təsirindən idarəetməni itirən mikroavtobus yol kənarındakı ayırıcı zolağa çıxıb və istirahət məntəqəsində park edilmiş TIR-a çırpılaraq dayanıb.

Hadisə yerinə dərhal jandarma, polis, yanğınsöndürən və təcili tibbi yardım bridaqaları cəlb olunub. Qəza yerində ilk tibbi yardımı alan yaralılar xəstəxanalara çatdırılıb. Vəziyyəti ağır olan 1 nəfər yaralı isə Səhiyyə Nazirliyinə məxsus təcili yardım helikopteri ilə xəstəxanaya təxliyə edilib.

Faktla bağlı araşdırmalara başlanılıb.