“Milan” Dieqo Moreyranı transfer edir: 50 milyonluq razılaşma

İtaliyanın “Milan” klubu Fransanın “Strasburq” komandasında çıxış edən Belçika millisinin yarımmüdafiəçisi Dieqo Moreyranın transferini həyata keçirməyə hazırlaşır.

hadiseler.info məşhur insayder Fabritsio Romanoya istinadən xəbər verir ki, klublar arasında razılıq artıq əldə olunub və rəsmi sənədləşmə mərhələsinə start verilib.

A Seriyası təmsilçisi 22 yaşlı futbolçunun keçidi üçün bonuslar nəzərə alınmadan 50 milyon avro ödəniş edəcək. Sazişin şərtlərinə əsasən, “Strasburq” oyunçunun növbəti satışından müəyyən faiz almaq hüququnu özündə saxlayacaq.

Məlumat üçün bildirək ki, D.Moreyra 2025/2026 mövsümündə meydana çıxdığı 42 qarşılaşmada 5 qol və 9 məhsuldar ötürmə ilə yadda qalıb. “Transfermarkt” portalına görə bazar dəyəri 25 milyon avro olan futbolçunun “Strasburq”la mövcud müqaviləsi 2029-cu ilə qədər nəzərdə tutulmuşdu.