Mirzoyan Ermənistanın yeni diplomatik hədəflərini açıqladı

Ermənistanın xarici işlər naziri Ararat Mirzoyan İrəvanın yeni diplomatik prioritetlərini və hədəflərini bəyan edib.

hadiseler.info xəbər verir ki, Gümrü şəhərində Ermənistan Xarici İşlər Nazirliyinin mərkəzi aparatının rəhbərliyi və xaricdəki diplomatik nümayəndəliklərin başçılarının illik toplantısı keçirilib.

Konfransda çıxış edən xarici işlər naziri ölkənin diplomatik xidmətinin yeni bir mərhələyə qədəm qoyduğunu bildirib. Mirzoyan mövcud reallıqlar fonında dövlət qarşısında duran çağırışlar və imkanların tamamilə fərqli olduğunu vurğulayıb.

Nazir diplomatik korpusun əsas vəzifəsi kimi müstəqilliyi və dövlətin dözümlülüyünü gücləndirməyi, eləcə də qonşu dövlətlərlə münasibətlərin normallaşdırılması prosesində iqtisadi potensialdan tam istifadə etməyi göstərib.