“Nardaran İnvest”lə bağlı məhkəmə qərarı

“Sea Breeze” istirahət zonasının ərazisində çoxsaylı yaşayış binaları tikdirən “Nardaran İnvest” MMC barəsində başlanılmış inzibati icraata məhkəmə tərəfindən xitam verilib.

hadiseler.info Yurd.Media-ya istinadən xəbər verir ki, Sabunçu Rayon Məhkəməsinin qərarına əsasən, şirkət tərəfindən 2024-cü ildə avans olaraq xaricə köçürülmüş 39 125 ABŞ dolları məbləğində valyuta vəsaitinin 2 il ərzində ölkəyə mal şəklində idxal olunmaması və ya geri qaytarılmaması iddiası ilə Mərkəzi Bank tərəfindən İnzibati Xətalar Məcəlləsinin 430.4-cü maddəsi ilə protokol tərtib edilmişdi.

Lakin məhkəmə işə baxaraq inzibati xəta hadisəsinin olmaması əsası ilə icraata xitam verib.

Qeyd edək ki, “Nardaran İnvest” MMC barəsində bundan əvvəl də analogiya üzrə inzibati icraat başlanılmış və cərimə qərarı çıxarılmışdı.