Neftimiz ucuzlaşdı

Dünya bazarında “Azeri Light” (CIF) markalı Azərbaycan neftinin 1 barelinin qiyməti 3,2 ABŞ dolları və ya 3,36% azalaraq 91,93 ABŞ dolları təşkil edib.

hadiseler.info xəbər verir ki, neft bazarındakı mənbələrin verdiyi məlumata əsasən, hərracların nəticələrinə görə “Brent” markalı neftin oktyabr fyuçerslərinin qiyməti 89 ABŞ dolları səviyyəsində qərarlaşıb.

Türkiyənin Ceyhan limanında FOB bazası üzrə “Azeri Light” neftinin bir barelinin qiyməti isə 3,12 ABŞ dolları (3,4%) azalaraq 88,5 ABŞ dollarına düşüb.

Məlumat üçün bildirək ki, Azərbaycanın 2026-cı il dövlət büdcəsində bir barel neftin orta qiyməti 65 ABŞ dolları məbləğində nəzərdə tutulub. “Azeri Light” markalı neft üzrə ən aşağı qiymət 2020-ci il aprelin 21-də (15,81 dollar), maksimum göstərici isə 2008-ci ilin iyulunda (149,66 dollar) qeydə alınıb.