Nepalda ölənlərin sayı 1 287-yə çatıb

Nepalda baş verən şiddətli sürüşmə və daşqınlar nəticəsində insan tələfatı artmaqda davam edir.  

hadiseler.info xəbər verir ki, Nepalın Fəlakət Risklərinin Azaldılması və Aradan Qaldırılması Milli İdarəsinin yaydığı son məlumata görə, təbii fəlakət nəticəsində həyatını itirənlərin sayı 1 287-yə çatdı. Daha əvvəl ölənlərin sayının 1 252 nəfər olduğu bildirilirdi.  

Hazırda 5 000-ə yaxın şəxs itkin düşmüş hesab edilir, 13 000-dən çox insan isə axtarış-xilasetmə əməliyyatları sayəsində xilas edilib.  

Xatırladaq ki, avqustun 26-da Nepalın şimal hissəsində Çin sərhədində yerləşən “Rasuvaqadhi” keçid məntəqəsinin təqribən 20 kilometr şimal-şərqində yaranan qar uçqunu güclü daşqına yol açıb. Sürətlə axan dağ süxurları çay yatağı boyunca 70 kilometrdən artıq irəliləyərək yaşayış məskənlərini məhv edib və böyük əraziləri su altında qoyub.