Panda Katyuşanın 3 yaşı təntənəli şəkildə qeyd olundu-FOTOLAR

Moskva Zooparkında Rusiyada doğulan ilk giqant panda olan Katyuşanın 3 yaşı tamam olub.

hadiseler.info xəbər verir ki, “İnterfaks”a istinadən diplomatik mənbələr panda Katyuşanın ad günü münasibətilə zooparkda ənənəvi “Katyuşa Panda Həftəsi”nə start verildiyini bildirib.

Çinin Rusiyadakı səfiri Çjan Hanhui Katyuşanın valideynləri Ruyi və Dindinqin 2019-cu ildə Çinin Siçuan əyalətindən Moskvaya gətirildiyini xatırladıb. Diplomat zooparkın pandalara göstərdiyi qayğının Rusiya və Çin xalqları arasında dostluğu və strateji tərəfdaşlığı daha da möhkəmləndirdiyini vurğulayıb.

Moskva Zooparkının baş direktoru Svetlana Akulova isə 3 yaşlı Katyuşaya ad günü münasibətilə təzə bambuk, meyvə və yerkökü ilə bəzədilmiş karton tort hədiyyə edildiyini açıqlayıb.