Peruda 7.2 maqnitudalı şiddətli zəlzələ:Yaralılar var

Perunun Ayakuço regionunda 7.2 maqnitudalı güclü zəlzələ baş verib. Hadisə zamanı azı 3 nəfər xəsarət alıb.  

hadiseler.info xəbər verir ki, bu barədə ölkənin Milli Mülki Müdafiə İnstitutu (INDECI) məlumat yayıb. Yaralılara Korakora şəhər xəstəxanasında tibbi yardım göstərilib. Yeraltı təkanlar nəticəsində 20-dən çox binaya ziyan dəyib.

Peru Geofizika İnstitutunun məlumatına görə, episentri Korakora şəhərindən 35 kilometr şimalda yerləşən zəlzələnin ocağı 108 kilometr dərinlikdə olub. Qeyd edək ki, daha əvvəl Avropa-Aralıq dənizi Seysmoloji Mərkəzi təkanların gücünü 6.6 bal qiymətləndirmişdi.