Qara dənizdə gəmiyə dron hücumu: Ekipaj üzvləri arasında 8 azərbaycanlı var

Qara dənizdə gəmilərə növbəti PUA hücumu qeydə alınıb.

hadiseler.info Bolqarıstanın “Bta.bg” nəşrinə istinadən xəbər verir ki, bu barədə Bolqarıstan Prezidenti Rumen Radev bəyanat verib. O, baş verən hücumları “tamamilə qəbuledilməz” adlandırıb.

Hadisə ilə əlaqədar Bolqarıstan Nazirlər Şurasının Təhlükəsizlik Şurasının təcili iclası çağırılıb.

Rumen Radevin sözlərinə görə, Byala yaşayış məntəqəsindən 18 dəniz mili şərqdə yerləşən gəmi üç PUA tərəfindən vurulub. Hücuma məruz qalan gəminin heyəti arasında Azərbaycan vətəndaşları da olub.

“Təcili reaksiya qüvvələrimiz dərhal səfərbər edildi. Sərhəd polisi ekipajı gəmidə olan hər kəsi xilas etdi: yeddi Ukrayna vətəndaşı və səkkiz Azərbaycan vətəndaşı”, — deyə Bolqarıstan dövlət başçısı bildirib.

Xilas edilən heyət üzvlərinin təhlükəsiz əraziyə təxliyə olunduğu bildirilir.