Qara dənizdə Türkiyə gəmisinin vurulması ilə bağlı Ukrayna səfiri XİN-ə çağırıldı

Ukraynanın Ankaradakı səfiri Nəriman Calal Qara dənizdə Türkiyəyə məxsus gəmilərə edilən hücumlarla əlaqədar Türkiyə Xarici İşlər Nazirliyinə çağırılıb.

hadiseler.info xəbər verir ki, bu barədə “TRT Haber” Məlumat yayıb.

Bildirilib ki, avqustun 26-da Türkiyə şirkətinə məxsus gəmi Qara dənizdə Tuapse sahillərində vurulub. Avqustun 27-də isə həmin gəmiyə yardım məqsədilə göndərilən digər qoşqu gəmisi hücuma məruz qalıb. Görüş zamanı Türkiyə tarafı sözügedən hücumlarla bağlı rəsmi etirazını Ukrayna diplomatiya nümayəndəsinə çatdırıb. XİN-dən bildirilib ki, Qara dənizdə can və mal təhlükəsizliyinin, gəmiçilik və ətraf mühitin təhlükəsizliyinin təmin edilməsinin vacibliyi xatırladılaraq qarşı tərəfə lazımi xəbərdarlıqlar edilib.