“Turan” voleybol klubunun yeni mövsüm üçün məşqçilər korpusu müəyyənləşdi

“Turan” voleybol komandası 2026/2027 mövsümü üçün məşqçilər heyətinin formalaşdırılmasını yekunlaşdırıb.

hadiseler.info xəbər verir ki, bölgə təmsilçisinin baş məşqçisi Ziya Rəcəbovun rəhbərliyi altında yeni mövsümdə beş mütəxəssis çalışacaq.

Məşqçilər korpusunda Savalan Şahbazov və Kənan Mustafayev məşqçi, Rəvan Hüseynli köməkçi məşqçi, Sinisa Popek fitness məşqçisi, Faruk Kaymak isə statist vəzifəsini icra edəcək.

Qeyd edək ki, “Turan” Çempionlar Liqasının II təsnifat mərhələsində Xorvatiyanın “Mladost” klubu ilə qarşılaşacaq. Komandalar arasında ilk matç oktyabrın 20-22-si tarixlərində evdə, cavab oyunu isə oktyabrın 27-29-da səfərdə keçiriləcək.