“Qarabağ” “Dinamo” matçına hazır: Start heyətlər açıqlandı

Bu gün “Qarabağ” Konfrans Liqasının 3-cü təsnifat mərhələsi çərçivəsində Kiyev “Dinamo”su ilə ilk qarşılaşmaya çıxır.

Hadisələr.info xəbər verir ki, Polşanın Lublin şəhərində yerləşən “Lublin Arena”da baş tutacaq matç Bakı vaxtı ilə saat 21:00-da start götürəcək.

Qarşılaşmanın idarəçiliyi Danimarkadan olan hakimlər briqadasına tapşırılıb. Görüşün baş hakimi Morten Kroqdur, ona Şteffen Bramsen və Viktor Skite köməklik edəcək. Dördüncü hakim funksiyasını isə Yakob Karlsen yerinə yetirəcək.

Bu komandalar arasında cavab görüşü bir həftə sonra Bakıda təşkil olunacaq. İki oyunun nəticəsinə görə mərhələ keçən tərəf pley-offda “Tvente” (Niderland) – DAC 1904 (Slovakiya) cütünün qalibi ilə üz-üzə gələcək.

Komandalar meydançaya aşağıdakı heyətlərlə çıxacaqlar:

“Dinamo” (Kiyev): 71. Surkis, 5. Sıç, 94. Kędziora, 32. Mixavko, 44. Dubinçak (k), 6. Brajko, 15. Rubçinski, 39. Gerrero, 21. Lonveyk, 70. Reduşko, 11. Ponomarenko.

Ehtiyat oyunçular: 35. Neşçeret, 43. Olxovıy, 7. Yarmolenko, 8. Pıxalyonok, 9. Voloşın, 10. Şaparenko, 18. Tımçik, 22. Kabayev, 29. Buyalski, 40. Bilovar, 66. Tiare, 99. Mounqenqe.

“Qarabağ”: Mateuş Koxalski, Elvin Cəfərquliyev, Bense Varkonyi, Mateus Silva, Cəbrail Makretskis, Marko Yankoviç, Pedro Bikalyo, Renaldo Sefas, Abdullah Zubir (k), Jali Muaddib, Aleksey Kaşuk.

Ehtiyat oyunçular: Şahruddin Məhəmmədəliyev, Martin Zlomisliç, Bruno Lanqa, Joni Montiel, Bəhlul Mustafazadə, Kadi Borges, Musa Qurbanlı, Hikmət Cəbrayılzadə, Əli Bəşirov, Bədavi Hüseynov, Samuel Lobato.