Qazaxıstanda Qurultay seçkiləri: Seçici fəallığı 65 faizi keçdi

Qazaxıstanın birpalatalı parlamenti — Qurultaya keçirilən seçkilərdə saat 16:00-a olan məlumata əsasən 8 milyon 240 min 336 nəfər səsvermədə iştirak edib.

hadiseler.info xəbər verir ki, bu göstərici ölkə üzrə seçici siyahılarına daxil edilmiş vətəndaşların 65,37 faizini təşkil edir. Mərkəzi Seçki Komissiyasının məlumatına görə, ən yüksək fəallıq Qızılorda vilayətində, ən aşağı göstərici isə Almatı şəhərində qeydə alınıb.

Qeyd edək ki, Qazaxıstanda parlament seçkiləri üçün seçici fəallığı ilə bağlı minimum hədd müəyyən edilməyib. Seçkilər yalnız partiya siyahıları üzrə keçirilir və vətəndaşlar yeddi siyasi partiyadan birinə və ya “bütün namizədlərin əleyhinə” səs vermək hüququna malikdirlər.