Qobustanda avtomobil yandı – VİDEO

Bakı-Şamaxı magistral avtomobil yolunun Qobustan rayonu ərazisindən keçən hissəsində minik avtomobilində yanğın hadisəsi baş verib.

hadiseler.info xəbər verir ki, bununla bağlı Fövqəladə Hallar Nazirliyi (FHN) məlumat yayıb.

Bildirilib ki, nazirliyin Dövlət Yanğından Mühafizə Xidmətinin Qobustan Rayon Yanğından Mühafizə Hissəsinin qüvvələri dərhal əraziyə cəlb olunub. Yanğınsöndürənlərin çevik müdaxiləsi sayəsində “Ford Fusion” markalı minik avtomobilində baş vermiş yanğın qısa müddətdə söndürülüb.

Hadisə nəticəsində nəqliyyat vasitəsinin mühərrik hissəsi yanıb, avtomobilin böyük hissəsi isə yanğından mühafizə olunub.