Qurban Qurbanov: “Çox vacib səfərə çıxırıq, qələbə üçün əlimizdən gələni edəcəyik”

“Qarabağ”ın baş məşqçisi Qurban Qurbanov UEFA Konfrans Liqasının pley-off mərhələsində Niderlandın “Tvente” klubu ilə keçiriləcək səfər matçından öncə mətbuat konfransı təşkil edib.

hadiseler.info xəbər verir ki, təcrübəli mütəxəssis komandanın çətin, lakin məsuliyyətli bir sınaq qarşısında olduğunu vurğulayıb.

Qurban Qurbanovun açıqlamasından önə çıxan məqamlar:

 Təcrübə və xatirələr: “Çox vacib səfərə çıxırıq. Rəqib tanış komandadır və ilk xoş xatirələrimiz həmin stadionla bağlıdır. İnanıram ki, futbolçuların təcrübəsi bu matçda öz sözünü deyəcək.”

 Əsas hədəf: “Çətinliklər həm insanı, həm də klubu böyüdür. Biz bundan da ağır dönəmlərdən keçmişik. Əsas məqsədimiz Konfrans Liqasının əsas mərhələsinə vəsiqə qazanmaqdır.”

 Rəqiblə müqayisə: “Əvvəlki illərlə müqayisədə zədəli oyunçularımız var. Lakin hazırda daha dinamik heyətə sahibik. Kim sona qədər dözümlülük nümayiş etdirə bilsə, o da qalib gələcək.”

Qeyd edək ki, “Tvente” – “Qarabağ” qarşılaşması avqustun 20-də, Bakı vaxtı ilə saat 22:00-da start götürəcək. Cavab matçı isə avqustun 27-si saat 20:00-da Tofiq Bəhramov adına Respublika stadionunda baş tutacaq.