Rusiya Jitomirə dronlarla hücum edib, ölənlər və yaralananlar var

hadiseler.info xəbər verir ki, Rusiya ordusu Ukraynanın Jitomir şəhərinə pilotsuz uçuş aparatları ilə hücum həyata keçirib. Hücum zamanı Milli Polisin Jitomir vilayəti üzrə Baş İdarəsinin inzibati binası hədəf alınıb.

Zərbə nəticəsində iki hüquq-mühafizə əməkdaşı həyatını itirib, ən azı 20 nəfər isə müxtəlif dərəcəli xəsarətlər alıb. Yerli rəsmilərin məlumatına görə, hücum zamanı reaktiv və “Banderol” tipli PUA-lardan istifadə olunub.

Hücumun təsirindən polis binasının dam örtüyündə və dördüncü mərtəbəsində güclü yanğın baş verib. Hadisə yerinə xilasedicilər, həkim briqadaları və xüsusi xidmət orqanları cəlb olunub, axtarış-xilasetmə işləri davam etdirilir.