Rusiya və Ukrayna arasında növbəti hərbi əsir mübadiləsi baş tutub

hadiseler.info xəbər verir ki, Rusiya və Ukrayna arasında növbəti hərbi əsir mübadiləsi həyata keçirilib.

Rusiya Müdafiə Nazirliyinin məlumatına əsasən, razılaşma çərçivəsində Ukrayna əsirliyində olan 103 rusiyalı hərbçi geri qaytarılıb. Bunun müqabilində Ukrayna Silahlı Qüvvələrinin 103 hərbi qulluqçusu qarşı tərəfə təhvil verilib.

Azad edilən rusiyalı hərbçilərin hazırda Belarus ərazisində olduğu və onlara zəruri köməklik göstərildiyi bildirilib. Mübadilə prosesinin uğurla həyata keçirilməsində Birləşmiş Ərəb Əmirliklərinin (BƏƏ) vasitəçilik etdiyi qeyd olunub.