Rusiya və Ukrayna arasında növbəti meyit mübadiləsi baş tutdu

Rusiya və Ukrayna həlak olmuş hərbçilərin meyitlərinin növbəti mübadiləsini həyata keçiriblər.

hadiseler.info xarici KİV-ə istinadən xəbər verir ki, bu barədə Rusiya Dövlət Dumasının deputatı Şamsail Saraliyev məlumat verib.

Məlumata görə, mübadilə çərçivəsində Rusiya tərəfi Ukraynaya 261 hərbçinin cəsədini, Ukrayna tərəfi isə Rusiyaya 24 meyit təhvil verib.

Xatırladaq ki, tərəflər arasında bundan əvvəlki analoji mübadilə prosesi iyulun 16-da baş tutmuşdu. Həmin vaxt Rusiya tərəfinə 31, Ukrayna tərəfinə isə 501 hərbçinin meyiti təhvil verilmişdi.