Rusiyada ordu komandanı öldürülüb

Rusiya ordusunun 51-ci ümumqoşun ordusunun komandanı, general-leytenant Sergey Milçakovun Donetskdə həlak olduğu bildirilir.

hadiseler.info xəbər verir ki, bu barədə Rusiya və Ukrayna mediası, eləcə də “Atesh” partizan hərəkatı məlumat yayıb.

Məlumata görə, general-leytenant S.Milçakov avqustun 26-da Donetskdə Rusiya qüvvələrinin əsas və ehtiyat komanda məntəqələrinə endirilən raket zərbəsi nəticəsində ölüb. Ukrayna Silahlı Qüvvələrinin Baş Qərargahı avqustun 26-dan 27-nə keçən gecə sözügedən komanda məntəqələrinin havadan buraxılan raketlərlə vurulduğunu və düşmənin itkilərinin dəqiqləşdirildiyini bəyan edib.

Rusiya tərəfi Sergey Milçakovun ölümü ilə bağlı yayılan məlumatları hələlik rəsmən təsdiqləməyib.