Rusiyada yapon jurnalist casusluq ittihamı ilə həbs olundu

Rusiyanın Saxalin vilayətində Yaponiyanın “Hokkaido Shimbun” qəzetinin müxbiri, 34 yaşlı İmai Yuki casusluq şübhəsi ilə həbs edilib.

hadiseler.info xəbər verir ki, yaponiyalı jurnalist Rusiyanın müdafiə qabiliyyətinə dair məxfi məlumatları toplamaqda ittiham olunur.

Rusiya Federal Təhlükəsizlik Xidmətinin (FSB) bəyanatında bildirilir ki, İmai Yukinin Yaponiyanın xüsusi xidmət orqanlarının xeyrinə casusluq fəaliyyəti həyata keçirdiyi ehtimal edilir. Saxalində saxlanılan jurnalist istintaq tədbirlərinin davamı üçün paytaxt Moskvaya aparılıb və faktla bağlı cinayət işi açılıb.

Məlumata görə, 34 yaşlı jurnalist Rusiyaya bu ilin yayında gəlib. O, Primorye diyarını, Vladivostok və Naxodka şəhərlərini gəzərək Uzaq Şərqin həyatı, Sovet-Yapon müharibəsi və tarixi münasibətlərlə bağlı yerli sakinlərdən müsahibələr alırmış.