Rusiyadan Ermənistana növbəti taxıl yükü Azərbaycan vasitəsilə daşınacaq

Rusiyadan Ermənistana Azərbaycandan tranzit keçməklə növbəti taxıl tədarükü həyata keçiriləcək.

hadiseler.info xəbər verir ki, 6 vaqondan ibarət 420 ton buğda və 4 vaqondan ibarət 280 ton arpa yükü avqustun 28-də Biləcəri stansiyasından Böyük Kəsik istiqamətinə yola salınacaq.

Qeyd edək ki, indiyədək Rusiyadan Ermənistana Azərbaycan ərazisindən tranzitlə 54 min tondan çox taxıl, 9 min tona yaxın gübrə, 1414 ton propan, 133 ton alüminium, 1114 ton kömür və 334 ton taxta daşınıb. Həmçinin, Azərbaycandan Ermənistana 15 min tona yaxın dizel, 5 min tona yaxın Aİ-92 və Aİ-95 markalı benzin ixrac olunub.