Rusiyadan Sumıya növbəti hücum: Ölənlər var

Rusiya Silahlı Qüvvələri Ukraynanın Sumı vilayətini yenidən atəşə tutub. Təhlükəsizlik qüvvələrinin hücumu nəticəsində mülki əhali arasında tələfat qeydə alınıb.

hadiseler.info “RBK-Ukrayna”ya istinadən bildirir ki, hücum nəticəsində iki nəfər həlak olub, daha bir nəfər isə yaralanıb. Zərbələr zamanı yaşayış və qeyri-yaşayış binaları hədəfə alınıb.

Hadisə yerinə Ukrayna Dövlət Fövqəladə Hallar Xidmətinin bölmələri cəlb olunub. Xilasedicilər zərbələr nəticəsində baş verən bütün yanğınları söndürə biliblər.