Zelenski: “Rusiyaya cavab zərbəsi endiriləcək”

Ukrayna Təhlükəsizlik Xidməti (UTX) Rusiya ordusunun son hücumlarına qarşı cavab tədbirləri hazırlayıb.

hadiseler.info xəbər verir ki, bu barədə Ukrayna Prezidenti Volodimir Zelenski özünün “Telegram” kanalında məlumat verib.

Zelenski UTX rəhbəri Aleksandr Pokladın Rusiya hücumlarına qarşı aktiv cavab tədbirlərinin hazırlanması ilə bağlı ona hesabat təqdim etdiyini bildirib. Ukrayna lideri vurğulayıb ki, təhlükəsizlik xidməti endiriləcək cavab zərbələrinin coğrafi əhatə dairəsini artıq müəyyənləşdirib.

Qeyd edək ki, sözügedən açıqlamadan əvvəl Ukrayna Təhlükəsizlik Xidmətinin Kiyevdə yerləşən mərkəzi qərargahına PUA hücumu həyata keçirilib.