Nepalda 22 min uşaq təmiz içməli sudan məhrum qalıb

Nepalda baş verən dağıdıcı daşqınların ardınca ölkədə ciddi humanitar böhran dərinləşir.

hadiseler.info BMT-nin Uşaq Fonduna (UNICEF) istinadən xəbər verir ki, fəlakət zonasında azı 22 min uşaq təmiz içməli su, sanitariya və gigiyena vasitələrinə təcili ehtiyac duyur.

Su və kanalizasiya infrastrukturunun sıradan çıxması, məcburi köçkünlərin sıx məskunlaşması yoluxucu və su vasitəsilə yayılan xəstəliklərin kəskin artması riskini yaradıb. Daşqınlar nəticəsində azı 19 məktəb binasına ciddi ziyan dəyib, 10 mindən çox uşağın isə təcili psixoloji dəstəyə və təhlükəsiz təhsil mühitinə ehtiyacı var. Humanitar təşkilatlar bölgəyə təcili gigiyena dəstləri, su təmizləyici vasitələr və çadırlar çatdırmağa davam edir.