“Sabah” – “Hapoel” matçının hakimləri açıqlandı

UEFA Çempionlar Liqasının pley-off mərhələsində Bakıda “Sabah” və İsrailin “Hapoel” (Beer-Şeva) komandaları arasında keçiriləcək cavab görüşünün hakim təyinatları bəlli olub.

hadiseler.info xəbər verir ki, avqustun 25-də Tofiq Bəhramov adına Respublika Stadionunda təşkil olunacaq qarşılaşmanı rumıniyalı hakimlər briqadası idarə edəcək.

Matçın baş hakimi İştvan Kovaç olacaq. Ona yan xətt hakimləri Mihay Marika və Ferens Tunyoqi köməklik göstərəcəklər. Dördüncü hakim funksiyasını Şabolç Kovaç yerinə yetirəcək. VAR hakimi almaniyalı Bastian Dankert, VAR köməkçisi isə rumıniyalı Ketelin Popa olacaq.

Qeyd edək ki, “Sabah” – “Hapoel” görüşü saat 20:45-də başlayacaq. Komandalar arasında keçirilən ilk matç rəqibin 2:1 hesablı qələbəsi ilə başa çatıb.