Şirvanda sürücünün “prava”sı 1 illik alındı – Həbs olundu

Şirvan şəhərində yol hərəkəti qaydalarını kobud şəkildə pozan və digər sürücülərə təhlükə yaradan şəxs məsuliyyətə cəlb edilib.  

hadiseler.info xəbər verir ki, Şirvan Şəhər Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlər nəticəsində gecə saatlarında “VAZ” markalı nəqliyyat vasitəsilə qaydaları pozan N.Məmmədov saxlanılıb.  

Sürücü barəsində toplanmış materiallar hüquqi qiymət verilməsi üçün məhkəməyə göndərilib. Məhkəmənin qərarı ilə N.Məmmədovun sürücülük hüququ 1 il müddətinə məhdudlaşdırılmaqla barəsində inzibati qaydada həbs qətimkan tədbiri seçilib.