Sıxılan üzük vətəndaşın barmağından kəsildi — VİDEO

Abşeron rayonunda Fövqəladə Hallar Nazirliyinin (FHN) xilasedicilərinin iştirakı ilə xüsusi əməliyyat keçirilib.

hadiseler.info xəbər verir ki, Abşeron rayon sakini K.Bədəlova üzüyünün barmağını sıxaraq kəskin ağrı və narahatlıq yaratması səbəbindən Rayon Mərkəzi Xəstəxanasına müraciət etməli olub.

Xəstəxanada həkimlər üzüyü çıxara bilmədikdə, Fövqəladə Hallar Nazirliyinə kömək üçün müraciət olunması qərara alınıb.

Məlumat daxil olan kimi FHN Bakı Regional Mərkəzinin xilasediciləri dərhal tibb müəssisəsinə gəliblər. Xilasedicilər təhlükəsizlik qaydalarına riayət etməklə və həkimlərin nəzarəti altında xüsusi vasitələrlə üzüyü kəsərək vətəndaşın barmağından çıxarıblar.