Tatyana Smilovenko Polşada keçiriləcək Dünya Çempionatında Azərbaycanı təmsil edəcək

Azərbaycan kanoeçisi Tatyana Smilovenko avqustun 26-dan 30-dək Polşanın Poznan şəhərində təşkil olunacaq kayak və kanoe üzrə dünya çempionatında mübarizə aparacaq.

hadiseler.info xəbər verir ki, bu barədə Azərbaycan Su İdman Növləri Federasiyasının mətbuat xidməti məlumat yayıb.

Nüfuzlu turnirdə təmsilçimizə kanoe üzrə milli komandanın baş məşqçisi Aleksandr Jukovski rəhbərlik edəcək.

Xatırladaq ki, T.Smilovenko iyul ayında Macarıstanın Seqed şəhərində keçirilən gənclər və U-23 avarçəkənlər arasında Avropa çempionatında uğurla çıxış edərək gümüş medal qazanmışdı.