Tehran Hörmüz boğazının açılması üçün yeni şərtlər irəli sürüb

hadiseler.info xəbər verir ki, İran və Oman Hörmüz boğazında gəmiçilik marşrutlarının bərpası ilə bağlı danışıqları davam etdirir.

İranın xarici işlər naziri Abbas Əraqçi boğazın yenidən açılmasının ABŞ-ın iyun ayında imzalanmış anlaşma memorandumunun şərtlərinə əməl etməsindən asılı olacağını bildirib. Tehran və Maskat arasında aparılan müzakirələr regiondakı enerji daşımalarının təhlükəsizliyi baxımından diqqətlə izlənilir.

İran tərəfi boğazla bağlı qərarı ABŞ-ın üzərinə götürdüyü öhdəliklərin yerinə yetirilməsi ilə əlaqələndirir. Tehran növbəti danışıqlar raundunda yeni şərtlərlə çıxış edəcəyini bəyan edib.