Tramp “Hörmüz boğazı Tramp boğazı”adlandırılsın  

ABŞ Prezidenti Donald Tramp Hörmüz boğazının adının dəyişdirilərək “Tramp boğazı” adlandırılması təşəbbüsü ilə çıxış edib.

hadiseler.info xəbər verir ki, bu barədə TASS agentliyi məlumat yayıb.

Noyabrda ABŞ Konqresinə keçiriləcək aralıq seçkiləri ərəfəsində Respublikaçılar Partiyasının Dallasdakı milli qurultayında çıxış edən Tramp bu addımın vacibliyini qeyd edib:

“Hesab edirəm ki, Hörmüz boğazı mənim adımı daşımalıdır. Mən bundan nəsə əldə etməliyəm. Xanımlar və cənablar, bu məkan belə adlanacaq. Mən bununla bağlı rəsmi açıqlama verəcəyəm”.

Ağ Ev rəhbəri, həmçinin ABŞ-nin İrana qarşı müharibədə qələbə qazanmasından sonra qlobal neft qiymətlərinin aşağı düşəcəyinə əminliyini bildirib. Tramp dünyada neft tədarükünün böyük hissəsinin həyata keçirildiyi bu strateji boğazın rəsmi Vaşinqtonun nəzarəti altında olduğunu bir daha iddia edib.