Tramp husilərlə təmasları təsdiqlədi: “Etdikləri çox pis idi”

ABŞ Prezidenti Donald Tramp Yəməndəki husilərlə birbaşa təmasların qurulduğunu bəyan edib.

hadiseler.info xəbər verir ki, ABŞ lideri bu barədə Tennessi ştatından Ağ Evə qayıdarkən, Vaşinqton yaxınlığındakı Endryus hərbi bazasında jurnalistlərin suallarını cavablandırarkən bildiriib.

Səudiyyə Ərəbistanına təşkil olunan raket hücumlarını kəskin pisləyən Donald Tramp hücumu dəhşətli hadisə adlandırıb və Səudiyyə Ərəbistanının özünü müdafiə etmək hüququnun olduğunu vurğulayıb: “Bizim husilərlə təmaslarımız var və görək, nə olacaq. Lakin onların etdikləri çox pis idi”.

Xatırladaq ki, Səudiyyə Ərəbistanının Mülki Aviasiya Baş İdarəsinin verdiyi məlumata görə, Ər-Riyaddakı Kral Xalid adına Beynəlxalq Hava Limanına edilən raket hücumu nəticəsində azı 12 nəfər həlak olub, 300-dən çox şəxs isə yaralanıb. Həlak olanlar arasında ABŞ vətəndaşının da olduğu bildirilir.