Türkiyədə 29 Oktyabr – Respublika Günü qeyd olunur

Bu gün qardaş Türkiyədə ölkənin ən mühüm milli bayramlarından biri – Respublika Günü qeyd olunur.

hadiseler.info xəbər verir ki, 29 oktyabr 1923-cü ildə Mustafa Kamal Atatürk Türkiyə Cümhuriyyətinin qurulduğunu elan edib və ölkənin idarəetmə forması respublika olaraq müəyyənləşdirilib. Həmin tarixdə Mustafa Kamal Atatürk Türkiyə Cümhuriyyətinin ilk prezidenti seçilib.

Respublika Günü münasibətilə qardaş ölkənin müxtəlif şəhərlərində rəsmi mərasimlər, paradlar, konsertlər və digər bayram tədbirləri keçirilir. Qeyd edək ki, 29 oktyabr Türkiyədə rəsmi qeyri-iş günüdür və bayram tədbirləri ənənəvi olaraq oktyabrın 28-də günortadan sonra başlayıb.