Türkiyədə dəhşətli qətl: 18 yaşlı qız boğazı kəsilərək öldürüldü

Türkiyənin Bursa şəhərində dəhşətli qadın qətli baş verib.

hadiseler.info DHA-ya istinadən xəbər verir ki, hadisə Karacabey rayonunun Güngörmez məhəlləsindəki meşəlik ərazidə baş verib. Meşəlik ərazidə park edilmiş avtomobildə sevgilisi olduğu bildirilən 24 yaşlı Mustafa B. ilə 18 yaşlı Gökçe Alkan arasında mübahisə yaranıb. Mübahisənin böyüməsi nəticəsində Mustafa B. yanındakı bıçaqla Gökçenin boğazını kəsərək onu öldürüb.

Hadisədən sonra piyada məhəlləyə gələn şübhəli kənd sakinlərinə mübahisə etdiyi şəxsi öldürdüyünü deyib və rayon mərkəzinə getmək üçün kömək istəyib. O, həmçinin bıçaqla özünə xəsarət yetirib və boyun nahiyəsindən yaralanıb.

Məhəllə sakinlərinin məlumatı əsasında əraziyə jandarma və tibbi yardım əməkdaşları cəlb olunub. Həkimlərin müayinəsi zamanı Gökçe Alkanın hadisə yerində öldüyü müəyyənləşdirilib. Onun meyiti məhkəmə-tibbi ekspertizası üçün morqa aparılıb.

Xəstəxanada müalicəsi davam edən Mustafa B. jandarma tərəfindən saxlanılıb. Faktla bağlı araşdırma başladılıb.

Qeyd edək ki, Gökçe Alkan bu il Farabi Peşə və Texniki Anadolu Liseyinin Səhiyyə Xidmətləri ixtisasından məzun olub və iş axtarırmış. Ailənin üç qız övladının ən kiçiyi olan Gökçenin cənazəsi Uluabatlı Hasan məscidində qılınacaq namazdan sonra dəfn ediləcək.