Türkiyədən kosmos tarixində İLK: Yerli Ay aparatı kosmosa buraxılır

Türkiyə kosmik tədqiqatlar sahəsində tarixi bir mərhələyə imza atmağa hazırlaşır.

hadiseler.info xəbər verir ki, Türkiyə öz texnoloji imkanları ilə hazırladığı ilk Ay aparatını 2027-ci ilin ilk aylarında kosmosa göndərməyi planlaşdırır.

Türkiyənin Sənaye və Texnologiya naziri Mehmet Fatih Kaçır bildirib ki, kosmik aparatın bütün zəruri sınaq prosesləri uğurla yekunlaşıb və buraxılış cədvəli dəqiqləşdirilib. Nazir vurğulayıb ki, yerli hibrid mühərrik və hərəkət sisteminə malik bu aparat sayəsində Türkiyə dərin kosmos missiyalarında mühüm irəliləyiş əldə edəcək.

M.F.Kaçır həmçinin strateji bir layihənin də detalını açıqlayıb. Onunsözlərinə görə, Türkiyə hazırda Somalidə özünə məxsus müasir kosmodrom inşa edir. Bu obyekt istifadəyə verildikdən sonra ölkə öz raketlərini və kosmik aparatlarını heç bir xarici asılılıq olmadan müstəqil şəkildə orbitə çıxara biləcək.