Ukrayna PUA-ları Krasnodar və Mahaçqalanı vurdu: Ölənlər var-VİDEO

Ukrayna ordusunun Rusiyanın müxtəlif regionlarına etdiyi PUA hücumları nəticəsində insan tələfatı və dağıntılar qeydə alınıb.

hadiseler.info xəbər verir ki, Krasnodar şəhərində vurulan dron qalıqlarının özəl uşaq mərkəzinin üzərinə düşməsi nəticəsində iki uşaq həyatını itirib, 7 nəfər isə yaralanıb. Krasnodar diyarının qubernatoru Veniamin Kondratyevin sözlərinə görə, hücum zamanı yaşayış binalarına və tikintisi davam edən obyektlərə də ciddi ziyan dəyib.

Eyni zamanda, PUA zərbələri nəticəsində Krasnodarda yerləşən “Ozon” anbarında irimiqyaslı yanğın başlayıb. Şirkətin məlumatına görə, işçilər vaxtında təxliyə edilib.

Hücumlar Mahaçqala və Nevinnomıssk şəhərlərindən də yan keçməyib. Mahaçqaladakı “Ozon” logistika mərkəzinə endirilən zərbə nəticəsində yanğın baş verib və bir neçə nəfər xəsarət alıb. Obyektdə iş prosesi qeyri-müəyyən müddətə dayandırılıb.