Zelenskinin keçmiş müavini həbs edildi

Ukrayna Ali Antikorrupsiya Məhkəməsi Prezident Volodimir Zelenskinin Ofisinin keçmiş rəhbər müavini İrina Mudraya barəsində həbs qətimkan tədbiri seçib.

hadiseler.info Ukrayna KİV-lərinə istinadən xəbər verir ki, məhkəmənin qərarı ilə İ.Mudraya 20 milyon qriven (təxminən 447 min ABŞ dolları) girov müqabilində 60 gün müddətinə nəzarət altında saxlanılacaq.

Xatırladaq ki, avqustun 19-da Ukrayna Milli Antikorrupsiya Bürosu (NABU) qanunsuz yolla əldə edilmiş vəsaitlərin leqallaşdırılması ilə məşğul olan mütəşəkkil qrupa karşı xüsusi əməliyyat keçirib. Qrupun tərkibinə Prezident Ofisinin rəhbər müavini, keçmiş deputat və “Sense Bank” dövlət bankının rəhbərliyi daxil olub. NABU-nun yaydığı səs yazılarında Mudrayanın bank üzərində nəzarəti ələ keçirmək müzakirələri yer alıb. Hadisədən dərhal sonra Prezident Zelenski İrina Mudrayanın vəzifədən azad edilməsi haqqında fərman imzalayıb.