Voleybolçu qadınlarımız Rumıniya ilə qarşılaşır

Qadın voleybolçulardan ibarət Azərbaycan millisi Avropa çempionatının C qrupunda növbəti oyununu keçirəcək.

hadiseler.info xəbər verir ki, Faiq Qarayevin baş məşqçisi olduğu komandamız Rumıniya yığması ilə üz-üzə gələcək. Qarşılaşma saat 18:30-da Milli Gimnastika Arenasında başlayacaq. Qrupun digər oyununda isə saat 15:30-da Niderland və Portuqaliya komandaları qarşılaşacaqlar.

Qeyd edək ki, Bakının ev sahibliyi etdiyi C qrupunda iki turdan sonra 6 xal toplayan Azərbaycan millisi inamla liderlik edir. 5 xalı olan Belçika ikinci, 2 xalla Niderland üçüncüdür. Rumıniya və İspaniya 1 xalla 4-5-ci yerləri bölüşdürür, xalsız Portuqaliya isə sonuncu pillədədir. İlk dörd yeri tutan komandalar pley-off mərhələsinə vəsiqə qazanacaqlar.