Yəməndə SEPAH-ın iki hərbi mütəxəssisi öldürüldü  

Yəməndə hökumət qüvvələri ilə “Ənsarallah” (Husi) Hərəkatı arasında toqquşmalar baş verib.  

hadiseler.info xəbər verir ki, döyüşlər zamanı İrana məxsus İslam İnqilabı Keşikçiləri Korpusunun (SEPAH) iki üzvü və onlarla əməkdaşlıq edən bir iraqlı həlak olub.  

Məlumata görə, həmin şəxslər ərazidə SEPAH-ın hərbi mütəxəssisləri kimi fəaliyyət göstəriblər. Hadisənin dəqiq harada və nə vaxt baş verdiyinə dair detal açıqlanmayıb. Eyni zamanda “Ənsarallah” hərbi birləşmələrinin komandirlərindən birinin də PUA hücumu nəticəsində yaralandığı bildirilir.