“Yaxın vaxtlarda TRIPP layihəsinin praktiki icrasına başlayacağıq” — Nikol Paşinyan

Ermənistan Baş naziri Nikol Paşinyan sosial şəbəkə hesabında verdiyi bəyanatla regional kommunikasiyaların açılması və təşəbbüslər barədə vacib mesajlar paylaşıb. Hadisələr.info xəbər verir ki, Ermənistan hökumət başçısı TRIPP layihəsinin icra mərhələsinə keçəcəklərini elan edib.

Paşinyan bildirişində Vaşinqton Sülh Sammitinin nəticələrinə toxunaraq layihənin əhəmiyyətini vurğulayıb. O qeyd edib ki, “Vaşinqton Sülh Sammitinin ən mühüm nəticələrindən biri Ermənistan və Azərbaycanın bir-birini maneə kimi deyil, yol və qonşu kimi qəbul etməsinə kömək edəcək TRIPP layihəsidir. Yaxın vaxtlarda TRIPP layihəsinin praktiki icrasına başlayacağıq və bu, böyük regional və beynəlxalq hadisəyə çevriləcək”.

Çünki Cənubi Qafqazda kommunikasiya xətlərinin bərpası və nəqliyyat marşrutlarının açılması bölgədə uzunmüddətli sülhün və iqtisadi inteqrasiyanın əsas təminatçısı hesab olunur. Həmçinin beynəlxalq vasitəçilərin dəstəyi ilə həyata keçirilən bu layihə regional layihələrin inkişafına yeni təkan verə bilər.

Baş nazir Paşinyanın sözlərinə görə, bu təşəbbüs hər iki ölkə arasında münasibətlərin yeni müstəviyə keçməsinə kömək edəcək.

Lakin layihənin tam icrası və fəaliyyətə başlaması üçün tərəflər arasında müvafiq texniki və təhlükəsizlik razılaşmalarının tamamlanması vacibdir.