Yeni Yasamalda bədbəxt hadisə: 8-ci mərtəbədən yıxılan şəxs həyatını itirdi

Bakıda ölümlə nəticələnən bədbəxt hadisə baş verib.

Hadisələr.info xəbər verir ki, gecə saat 01 radələrində Mingəçevir şəhər sakini, 1986-cı il təvəllüdlü Rəvan Elbrus oğlu Abdurahmanov Yeni Yasamal yaşayış massivində icarəyə götürdüyü mənzilin eyvanından yıxılıb.

Məhəmməd Xiyabani küçəsi 33 ünvanında yerləşən 18 mərtəbəli yaşayış binasının 8-ci mərtəbəsindən yerə çırpılan şəxs aldığı ağır xəsarətlərdən hadisə yerindəcə dünyasını dəyişib.

Faktla bağlı Yasamal Rayon Prokurorluğu tərəfindən müvafiq araşdırmalara başlanılıb.