Odessa yaxınlığında Almaniyaya məxsus gəmiyə dron hücumu

Almaniya şirkətinə aid yük gəmisi Qara dəniz akvatoriyasında, Odessa sularının yaxınlığında pilotsuz uçuş aparatının hücumuna məruz qalıb.

Hadisələr.info xəbər verir ki, bu barədə “Bild” mətbuatı etibarlı mənbələrə əsaslanaraq məlumat paylaşıb.

Açıqlanan məlumatda qeyd olunur ki, söhbət Liberiya bayrağı altında hərəkət edən və mərkəzi qərargahı Hamburq şəhərində yerləşən Almaniyanın “Johann M. K. Blumenthal GmbH & Co. KG” şirkətinə məxsus “Emil” adlı yük gəmisindən gedir. Dəniz nəqliyyat vasitəsinin Odessadan təxminən 21 dəniz mili (yaxınlıqla 39 kilometr) məsafədə vurulduğu bildirilir.

Zərbə nəticəsində gəmi göyərtəsində yanğın alovlanıb və bəzi texniki avadanlıqlar sıradan çıxıb, bu səbəbdən gəmi idarəetmə və manevr imkanlarını tamamilə itirib. Heyətin 11 nəfərdən ibarət üzvü təxliyə edilib, xəsarət alan olmayıb. Ekipaj üzvləri təhlükəsiz zonasaya daşınarkən yük gəmisi təkrarən zərbəyə tuş gəlib.

Rusiya Müdafiə Nazirliyi rəsmi resurslarında hücum faktını təsdiqləyib.