Zelenski: “Bu qışı Rusiya üçün də çətinləşdirməkdən başqa çarəmiz qalmayacaq”

Ukrayna Prezidenti Volodimir Zelenski Nyu-Yorkda Birləşmiş Millətlər Təşkilatının (BMT) 81-ci Baş Assambleyasının ikinci sessiyasında çıxış edərkən mühüm bəyanatlarla çıxış edib.

hadiseler.info xəbər verir ki, dövlət başçısı Rusiyanın maliyyə və istehsal imkanlarının məhdudlaşdırılmasının davam etdirilməsinin vacibliyini vurğulayıb.

ABŞ Prezidenti Donald Trampın Rusiyanın dizel yanacağı sənayesinə nəzarəti itirdiyi barədə açıqlaması ilə razılaşdığını bildirən Zelenski, Rusiyanın müharibəni açıq şəkildə dəstəkləyən tək bir müttəfiqindən başqa kimsəsinin qalmadığını qeyd edib.

Ukrayna lideri vurğulayıb ki, Rusiyanın neft sənayesi, fabrikləri və limanları Ukraynanın birbaşa hədəfi deyil; əsas məqsəd Moskvanın maliyyə resurslarını və istehsal imkanlarını məhdudlaşdırmaqdır: “Rusiya pulu olanda diplomatiyaya “yox” deyir”.

Zelenski əlavə edib ki, Ukraynanın silah, müdafiə və sanksiyalardan danışması yalnız müharibəyə fokuslandığı təəssüratını yaratsa da, bu müharibəni ukraynalılar seçməyib: “Biz ölməməyi, ölkəmizi və ailələrimizi itirməməyi, müstəqilliyimizi və azadlığımızı itirməməyi seçdik və özümüzü müdafiə edirik”.

Qarşıdan gələn qış mövsümünə də toxunan Prezident xəbərdarlıq edib: “Ukraynalılar bu qışın bizim üçün çox çətin ola biləcəyinin fərqindədirlər, amma bunun müqabilində bu qışı Rusiya üçün də çətinləşdirməkdən başqa çarəmiz qalmayacaq”.