4SİM və “Azərsun Holdinq” arasında əməkdaşlıq müzakirə edilib-FOTOLAR

İqtisadiyyat Nazirliyinin tabeliyindəki Dördüncü Sənaye İnqilabının Təhlili və Koordinasiya Mərkəzi (4SİM) ilə “Azərsun Holdinq” arasında görüş keçirilib.  

hadiseler.info xəbər verir ki, 4SİM-in icraçı direktoru Fariz Cəfərov və “Azərsun Holdinq”in baş icraçı direktoru Savaş Uzanın görüşündə sənaye müəssisələrinin rəqəmsal transformasiyası və Sənaye 4.0 texnologiyalarının tətbiqi müzakirə olunub.  

“Rəqəmsal İqtisadiyyatın İnkişafına Dəstək Proqramı” çərçivəsində “Azərsun Holdinq”ə daxil olan “Sun Tea” MMC və “AzərSüd” MMC layihəyə qoşulub. Görüşdə müəssisələrin texnoloji imkanlarının qiymətləndirilməsi, istehsal səmərəliliyinin artırılması və insan kapitalının gücləndirilməsi istiqamətində addımlar nəzərdən keçirilib.