“Sabah”ın futbolçusu UEFA turnirində rekorda imza atdı

“Sabah”ın serbiyalı yarımmüdafiəçisi Velko Simiç avrokuboklarda ardıcıl 5 oyunda qol vurmaqla Azərbaycan futbolunun tarixinə düşüb.

hadiseler.info xəbər verir ki, futbolçu UEFA Konfrans Liqasının pley-off mərhələsinin “Hapoel” (Beer Şeva) ilə səfər matçında (1:2) fərqlənərək bu göstəriciyə çatıb.

Yarımmüdafiəçi buna qədər II təsnifat mərhələsinin KuPS (1:0, 2:0) və III təsnifat mərhələsinin “Orhus” (1:2, 4:0) ilə görüşlərində də fərqlənmişdi. Bununla da Simiç avrokubokların ardıcıl 5 matçında qol vuran ilk futbolçu olub. Əvvəlki rekord – ardıcıl 4 matçda qol vurmaq göstəricisi – “Qarabağ”ın hücumçuları Redon Cica və Olavio Juninyoya məxsus idi.